Category Archives: Novas
Jorge Luís Borges cumpriría hoxe 112 anos
Jorge Luís Borges foi un dos autores máis destacados da literatura do século XX. Publicou ensaios breves, contos e poemas. A súa obra, fundamental na literatura e no pensamento humano, foi obxecto de minuciosas análises e de múltiples interpretacións, transcende calquera clasificación e exclúe calquera tipo de dogmatismo.
Naceu en Buenos Aires o 24 de agosto de 1899, e faleceu Xenebra o 14 de xuño de 1986.
Dende a Biblioteca Forum aproveitamos calquera escusa para destacar algunhas das obras deste escritor arxentino.
75 Aniversario da morte de Federico García Lorca
O 19 de agosto de 2011 conmemorounse os 75 anos da tráxica morte de Federico García Lorca, aínda que non fan falta escusas para lembrar a súa obra.
O poeta e dramaturgo universal Federico García Lorca naceu en Fuente Vaqueros, Granada, o 5 de xuño de 1898 e morreu fusilado o 19 de agosto de 1936, ao principio da Guerra Civil española. Cúmprense agora, pois, 75 anos dese aniversario.
Tratar de resumir a personalidade e a obra deste autor é pouco máis que unha quimera porque resulta imposible resumir, nunhas liñas, a súa vitalidade, a súa paixón pola vida, a súa simboloxía, os seus contrastes e toda unha vida que el viviu con intensidade.
Coa morte de Federico García Lorca morría a persoa de carne e óso, pero nacía o mito. García Lorca sempre tivo, nas súas obras, unha premonición funesta.
Dende as Bibliotecas Municipais da Coruña queremos recordar a este xenial autor de obras como Romancero Gitano ou Poeta en Nueva York.
Máis Info:
Carlos Fuentes, Formentor das Letras 2011
O escritor mexicano Carlos Fuentes foi galardoado co Premio Formentor das Letras 2011, que lle será entregado en Mallorca a final de mes, en recoñecemento ao conxunto da súa obra literaria.
Carlos Fuentes (Panamá, 1928), autor da novela “La muerte de Artemio Cruz”, está considerado como unha figura central e indispensable da novelística moderna en castelán. Foi catedrático nas Universidades de Harvard (Estados Unidos) e Cambridge (Inglaterra), e doutor honoris causa nunha longa lista de universidades de todo o mundo. O autor recibiu, entre outros, o Premio Biblioteca Breve, o Premio Nacional de Literatura de México, o Premio Rómulo Gallegos, o Premio Alfonso Reyes, o Premio Miguel de Cervantes e o Premio Príncipe de Asturias das Letras.
Entre os anteriores galardoados co premio figuran Samuel Beckett, Jorge Luis Borges, Juan García Hortelano, Jorge Semprún, Saul Bellow e Witold Gombrovicz.
Na Biblioteca Forum facémoslle unha pequena homenaxe destacando unha selección de obras do xenial escritor mexicano.
Feira do Libro na Coruña 2011
A 40º edición da Feira do Libro desenvolverase,dende o pasado luns 1 ata o mércores 10 de agosto, nos Xardíns de Méndez Núñez, con horarios entre as 11:00 e as 14:00 horas polas mañás, e de 18:00 a 22:00 horas polas tardes. O programa previsto é o seguinte:
Luns 1:
– 11:00 h. Apertura da feira.
– 12:45 h. Actuación da Banda Municipal de Música da Coruña.
– 13:00 h. Inauguración oficial. Pregón a cargo de Alfonso García Sanmartín, presidente do Cluster do Libro de Galicia.
– 19:00 h. Charla presentación da exposición fotográfica “Tiempo de recreo”, patrocinada pola Fundación Telefónica. Participan no acto Fernando Marías, Carlos Spottorno, Marta Rivera de la Cruz e Lola Beccaría.
– 19:30 h. O escritor e académico Xosé Neira Vilas, asinará exemplares dos seus libros.
– 20:00 h. Presentación do libro “Un dedo manchado de tinta”, de Manuel Portas, publicado por Edicións Xerais de Galicia. Xunto co autor, participará no acto Manuel Bragado, director da Editorial e actuación de Clara Pino.
– 20:30 h. O profesor Jorge Mira asinará exemplares do seu libro “A ciencia no punto de Mira”, publicado por Auga Editora.
– 20:45 h. Presentación dos libros “Penúltimo dietario”, de Xosé Neira Vilas e “Aníbal Otero. Lingüística e política en España na guerra civil e no franquismo”, de Xesús Alonso Montero, publicados por Edicións Xerais de Galicia. Xunto cos autores, participará no acto Manuel Bragado.
Martes 2:
– 12:00 h. Feira infantil. Obradoiro de marca páxinas a cargo de Brétema Animación.
– 19:00 h. O escritor Francisco Castro presentará o seu libro “In vino veritas”, publicado por Editorial Galaxia. Xunto co autor, participan no acto Víctor F. Freixanes, director xeral de Galaxia e Mercedes Queixas.
– 19:30 h. O escritor Manuel Fuentes González asinará exemplares do seu libro “Ecos del camino” (ensaio), publicado polo Instituto Cepedano de Cultura.
– 20:00 h. Conversa con Agustín Fernández Paz, Óscar Sánchez e Iago Martínez arredor da novela “Non hai noite tan longa”, publicada en Xerais.
– 20:00 h. O escritor e fiscal Luis Anguita Juega asinará exemplares do seu libro “Mi lugar. Mi pequeño sueño”, publicado por Ed. Vitrubio (sello Nostrum).
– 20:30 h. O ilustrador David Pintor e o autor Carlos López (Pinto & Chinto), asinarán exemplares das súas obras.
– 21:00 h. “A nova literatura de terror”. Charla coloquio do escritor e piloto de aviación Francisco Narla, autor da novela “Caja negra”, publicada por Alberto Santos. Imágica Ediciones.
Mércores 3:
– 12:00 h. Feira infantil. Obradoiro de decoración de lapiseiros, impartido por Brétema Animación.
– 19:00 h. Presentación do libro “Todo é silencio”, de Manuel Rivas, publicado en Xerais. No acto acompañará ao autor Rómulo Sanjurjo.
– 19:30 h. O escritor Manuel Sánchez Dalama asinará exemplares do seu libro “La mancha negra”, publicado por Algaida.
– 20:00 h. Presentación da novela negra titulada “Pegadas nun labirinto baleiro”, da autoría de Xosé Manuel García López, publicado por Baía Edicións.
– 20:30 h. O poeta Miguel Anxo Fernán Vello asina exemplares do libro “Territorio de la desaparición” (edición bilingüe castelán e galego), publicado por Huerga y Fierro Editores.
– 21:00 h. Presentación do libro “Como defenderes os teus dereitos lingüísticos”, de Carlos Callón, publicado en Xerais, coa participación do autor, acompañado por Xabier P. DoCampo, Fran Rei e Manuel Bragado.
Xoves 4:
– 12:00 h. Feira infantil. Un mundo diferente. Espectáculo de maxia realizado polo Mago Toño.
– 18:30 h. Presentación da obra gañadora no Premio Barriga Verde 2010, para textos dirixidos para monicreques (modalidade infantil), titulada “Fábula galénica”, obra de Inacio, escritor, director e fundador da compañía de monicreques Fantoches Baj, que, ao tempo, fará unha lectura narrada da súa obra para os máis pequenos.
– 19:00 h. O escritor Carlos Vázquez Padín asinará exemplares do seu libro “Galeguismo e liberdade. Propostas para o século XXI”, publicado por 2.0 Editora, na colección Supertextos.
– 19:30 h. Presentación da novela “Noah Barleywater escapa da casa”, de John Boyne, publicada no selo editorial Factoría K. Participará no acto o traductor do libro, Carlos Acevedo, e un representante da editorial.
– 20:00 h. O escritor e xornalista Gabriel García Enríquez asinará exemplares do seu libro “Sir Francis Drake, villano en España, héroe en Inglaterra”, Premio de Literatura y Ensayo Fernando Arenas Quintela 2011, editado por Publicaciones Arenas.
– 20:30 h. Editorial Galaxia presenta o libro “Cociñando ao pé da letra”. Participarán no acto Yolanda Castaño, Andrea Costas, coordinadoras, Víctor F. Freixanes, en representación da editorial, máis dous escritores que cociñan no libro: Xabier P. DoCampo e Lucía Aldao.
– 21:00 h. Miguel Sande asinará exemplares do seu libro “A vida fóra”, publicado en Galaxia.
Venres 5:
– 12:00 h. Feira infantil. Un mundo de contos. Divertido contacontos realizado por Fátima
– 18:30 h. Presentación do libro infantil “O espantallo”, de Xosé Agrelo, publicado pola editorial Toxosoutos.
– 19:00 h. José Manuel Otero Lastres, escritor, avogado e catedrático de dereito, asinará exemplares da súa novela “El campo de Bucéfalo”, publicado por Pigmalión – Sial Ediciones.
– 19:30 h. Presentación do libro “Guerra civil. Que pasou en Galicia e en España”, de Federico Cocho, publicado por Edicións Xerais de Galicia. Xunto ao autor, participan Carlos Reigosa e Manuel Bragado.
– 20:00 h. O escritor Nonito Pereira Revuelta asinará exemplares do seu libro “Historias, histerias y andanzas musicales”.
– 20:30 h. Charla coloquio arredor do libro “La melancolía de los hombres pájaro”, de Juan Bolea (Premio Abogados de Novela e finalista dos Premios Hammet), publicado pola editorial Martínez Roca. Xunto co autor, participará no acto Fernando Marías.
– 21:00 h. O escritor José Luis Alvite asinará exemplares do seu libro “Humo en la recámara”, publicado pola Editorial Ézaro.
– 21:15 h. Presentación do libro “El final del amor” (Premio Rivera del Duero), de Marcos Giralt Torrente, publicado pola editorial Páginas de Espuma. Xunto co autor, participará no acto o editor Juan Casamayor.
– 22:30 h. Recital no Handicap Café (Rúa Salgado Somoza, esquina Curros Enríquez) “A noite de poesía: Os fillos de Mary Shelley”, coa participación de Yolanda Castaño, Luis Alberto de Cuenca, Luisa Castro, Pedro Ramos e Fernando Marías. Acto patrocinado por Ámbito Cultural de El Corte Inglés.
Sábado 6:
– 12:00 h. Feira infantil. “Como nace un personaxe”. Obradoiro de ilustración realizado por Xosé Tomás. Actividade realizada coa colaboración do GALIX.
– 18:30 h. Presentación de “O señor Don Nicanor”, un texto infantil de Ana Fernández – Abascal, ilustrado por Flavio Morais e publicado no selo Factoría K, coa participación da autora e un representante da editorial.
– 19:00 h. A pintora e ilustradora Isabel Pintado asina exemplares dos libros de poesía para nenos “Parece unha rosa”, de Rosalía de Castro e “Cantiga do Mazarico”, de Emilio Pita, ambos publicados por Edicións Espiral Maior na colección Lúa Lueira.
– 19:30 h. O poeta e videoartista Antonio Nieto Rodríguez, presentará o seu libro “La voz del escorpión”, publicado por Sial Ediciones. Xunto co autor, participarán no acto José María Paz Gago, catedrático da Universidade da Coruña, Olga Patiño, poeta, profesora do I.E.S. Fernando Wirth, da Coruña, e Basilio Rodríguez Cañadas, editor e presidente do Pen Clube de España.
– 20:00 h. O escritor Mario Regueira asinará exemplares do seu libro “Lois Pereiro. Unha persecución”, publicado por 2.0 Editora, na colección Folcsonomías.
– 20:30 h. Presentación do libro “El viajero del tiempo”, publicado por Imagine Ediciones. Participarán no mesmo José Carlos Somoza, Patricia Esteban Erlés e Félix Palma Macías, coordinados por Fernando Marías. Acto patrocinado por Ámbito Cultural de El Corte Inglés.
Domingo 7:
– 12:00 h. Feira infantil. “A caixa de Pandora”. Sorprendente espectáculo de maxia realizado polo Mago Toño.
– 13:00 h. Sinatura de exemplares do libro “Webos fritos. Recetas y momentos”, publicado por Ciudadela Libros. Participarán Susana Pérez, autora dos textos e Jesús Cerezo, autor das fotografías.
– 19:00 h. Presentación do libro “Guía das libélulas de Galicia”, do investigador e naturalista vigués Miguel Ángel Fernández Martínez, que estará acompañado polos investigadores de zonas húmidas de Galicia e naturistas galegos Anxo Rajou e Alberto Gil.
– 19:30 h. O escritor José María Paz Gago, catedrático de Literatura Comparada da Universidade da Coruña, asinará exemplares do seu libro de poemas “Guía de lugares inexistentes”, publicado por Sial Ediciones.
– 20:00 h. Presentación do libro “Contos e descontos. Narrativa completa de Claudio Rodríguez Fer” publicado por Toxosoutos. Xunto co autor, participará no acto Xosé Luís Axeitos, secretario da Real Academia Galega e David González Couso, director de publicacións da editorial.
– 20:30 h. O escritor Manuel Mourelle de Lema asinará exemplares dos seus libros, editados polo Grupo Cultural Galicia en Madrid.
– 21:00 h. Presentación do libro “213 aforismos para el siglo 21”, de Xavier Vila-Coia, publicado por La Pinga Ediciones.
Luns 8:
– 12:00 h. Feira infantil. “De oca a oca y cuento por que me toca”. Conta contos interactivo para toda a familia, realizado por Pepa Cuentera.
– 19:00 h. Presentación de “Artur”, un texto infantil de Xosé Manuel Gómez Barreiro “Oli”, ilustrado por Marc Taeger e publicado no selo editorial Faktoría K. Participarán no acto o autor, o ilustrador e un representante da editorial.
– 19:30 h. O escritor Fernando Ontañón asinará exemplares do seu libro “Relatos invisibles”, publicado por Ediciones Carena.
– 20:00 h. Presentación do libro “El baile de las lagartijas”, de David de Juan Marcos. Ed. Temas de Hoy.
– 20:30 h. A escritora Eva Castro Outeiriño asinará exemplares do seu libro “Persiguiendo sueños”, publicado pola editorial Hontanar.
– 21:00 h. Charla coloquio da xornalista Iara Mantiñán arredor do seu libro fotográfico “Cape Coloured”, publicado por Finisterre Ediciones.
Martes 9:
– 12:00 h. Feira infantil. “Mariscando cuentos”. Xornada de contos para toda a familia, realizado por Pepa Cuentera, arredor do libro “La vuelta al mundo de Gota de Agua”, de Rafael Ortega de la Cruz, publicado por S.L. Nívola Libros y Ediciones.
– 19:00 h. Francisco X. Fernández Naval presenta o seu libro de poesía, en edición bilingüe (galego e castelán) “Golpear de sombras”, publicado pola editorial Huerga y Fierro. Xunto co autor, participarán no acto a poeta Eva Veiga e a profesora e traductora Teresa Seara.
– 19:30 h. O profesor de filosofía e historiador, Luis Gorrochategui Santos, asinará exemplares do seu libro “Contra Armada. La mayor catástrofe naval de la historia de Inglaterra”, publicada pola editorial E-Lector.
– 20:00 h. Presentación de “Lume de cobiza”, de Miguel Anxo Fernández, publicado en Galaxia, coa participación, acompañando ao autor, de Víctor F. Freixanes e Ángel de la Cruz.
– 20:30 h. Sinatura de exemplares do poemario “La hora de los relojes”, de Fran Nuño, poblicado no selo da Faktoría K.
– 21:00 h. “A aventura de publicar romántica”. Mesa redonda de escritoras coruñesas, autoras de novelas románticas. Participarán no acto Patricia Sutherland (“Princesa”, autoedición), Teresa Cameselle (“No todo fue mentira”. Ed. El Maquinista), Kelly Dreams (“Amante & felino”, autoedición), Encarnación Alcalde Brotóns (“Lo que el corazón esconde”, Ed. Círculo Rojo), Ángeles Ibirika (“Antes y después de odiarte”, Ediciones B) e Lydia Leyte Costello (“El fuego envuelve tu nombre”, Editorial La Máquina China). Modera o acto Trinidad Palacios Raposo (do programa radiofónico “El diván cultural”) Ao remate do acto, as escritoras asinarán exemplares dos seus libros.
Mércores 10:
– 12:00 h. Feira infantil. “Leonardo te enseña a comer”. Obradoiro e conto para pais con fillos, realizado por Pepa Cuentera, baseado no libro “Leonardo da Vinci, el inventor”, publicado pola editorial Rompecabezas.
– 19:00 h. O escritor Pedro Ramos presentará o seu libro “En el país de los méritos”, publicado pola Editorial Noroeste.
– 19:30 h. O escritor Manuel M. Barreiro asinará exemplares do seu libro “A novísima dereita e nós. O bienio gris toupa”, publicado por 2.0 Editora, na colección Supertextos.
– 20:00 h. Presentación do libro “Puntos de vista (Grabaciones emitidas por Punto Radio)”, de Roberto Vila Rodríguez, publicado pola Deputación provincial de Ourense. Xunto co autor, participará no acto Roberto Blanco Fortes, director de Punto Radio.
– 20:30 h. O escritor Quinito López Mourelle asinará exemplares do seu libro “Sin Ana Beatriz”, publicado por Ézaro Ediciones.
– 22:00 h. Peche da Feira do Libro.
Todos os días, ás 21:45 horas, terá lugar o sorteo dun lote de libros entre o público que teña mercado libros na Feira durante o día.
Durante a Feira, todos os libros terán un 10% de desconto.
Máis Info:A Coruña Cultura
Fran Alonso publica tres ebooks
O escritor Fran Alonso está de aniversario, e para celebralo iniciou onte a publicación nos seus sitios web dunha serie de libros electrónicos. O primeiro xa está dispoñible nas webs de Fran Alonso. Contesta ou disparo é un libro que publica 34 entrevistas breves a persoeiros da cultura e da política galega 34 persoas da cultura e da política galega, desde Isaac Díaz Pardo ata O Mago Antón ou Luma Gómez. A súa descarga é libre e baixo licenza Creative Commons coa que outro usuario, sen ánimo de lucro, pode reproducilo ou imprimilo sen permiso previo do autor-. Será o primeiro volume da serie. Logo do verán e ata decembro. Un deles terá a Vigo, a cidade do escritor, como eixe temático central, e nutrirase dos moitos artigos de opinión que Fran Alonso xa ten publicados en prensa.
Marcas e persoas dixitais
É a autoedición electrónica unha alternativa para os escritores?
“Está claro que é unha tendencia de futuro”, contesta Fran Alonso, “as novas tecnoloxías dan moitas posibilidades neste sentido e está claro que para determinado tipo de libros hai que buscar alternativas”. Alonso está a publicar directamente no seu web oficial os libros, en formato ePUB e PDF. “Nestes momentos hai algunhas plataformas que ofrecen edición dixital para autores, pero non deixan de ser cantidades ridículas as que se venden. Esas cifras poden ser facilmente superables polos propios autores”, sinala Fran Alonso, que apunta unha idea ao respecto: “é posible que hoxe por hoxe o escritor teña máis credibilidade que as propias plataformas dixitais de distribución. No futuro, estas plataformas terán que xogar a baza da súa propia imaxe, porque hoxe esas marcas difumínanse na rede”.
O escritor está imbuido da cultura dixital. O seu vindeiro libro (para papel), que xa se atopa en fase de revisión, é un conxunto de relatos nos que os hoax, os bulos cibernéticos, constitúen un elemento central. “Son relatos que nuclean unha reflexión entorno os límites e a realidade”, sinala Fran Alonso, “e neles tamén hai unha reflexión sobre Internet”. Fonte: Cultura Galega
Eduardo Mendoza, Xulia Alonso y Colm Tóibín, premios San Clemente
Eduardo Mendoza, Xulia Alonso, y Colm Tóibín han sido los ganadores de la XVII Edición del Premio Literario Arcebispo Juan de San Clemente, que ha sido fallado en Santiago por los alumnos de siete institutos.
En gallego el jurado otorgó el premio al trabajo titulado Futuro imperfecto, de Xulia Alonso, publicado por Editorial Galaxia, mientras que el galardón en lengua castellana fue para la obra Riña de gatos, de Eduardo Mendoza, publicado por Editorial Planeta. El premio para lengua extranjera lo obtuvo Colm Tóibín por su obra Brooklin, editada por Lumen.
El jurado que otorgó los premios estaba formado por alumnos de otros institutos de Melide (A Coruña), A Carballeira (Ourense), Aquis Celines de Caldas de Reis (Pontevedra), Enrique Murais, de A Ponte Nova (Lugo); Ramiro de Maeztu, de Madrid; Santa Comba Dao (A Coruña) y el propio IES Rosalía de Castro, de Santiago de Compostela.
El autor sueco Henning Mankel, Inma López (gallego) e Ignacio M. Pisón (castellano) fueron los galardonados en la anterior edición de estos premios.
Xerais editará o primeiro libro sobre o Novo Cinema Galego
Os autores intelectuais do Novo Cinema Galego, en tanto etiqueta, a medio camiño entre o activismo e o exercicio crítico, preparan xa a primeira monografía dedicada ao fenómeno. Xerais publicará contra o final do ano un traballo de Martin Pawley, José Manuel Sande e Xurxo González, os tres críticos vinculados ao blog Acto de primavera, no que se combinarán entrevistas cos principais creadores e unha análise exhaustiva do movemento.
Un ano despois da participación de Oliver Laxe no Festival de Cannes coa súa primeira película, Todos vós sodes capitáns, o que se deu en chamar Novo Cinema Galego segue a confirmar as expectativas depositadas polos seus promotores e a gañar espazos de visibilidade. A pasada semana, o prestixioso Festival Internacional de Documental de Marsella (FIDMarseille) confirmaba que Vikingland, a primeira longametraxe de Xurxo Chirro –alcume artístico do propio Xurxo González– entraría este ano a concurso.
A falta de definir o novo papel de Xurxo González, os promotores coinciden: a publicación da monografía redunda na consolidación dos cineastas, os produtos e os modos de produción que acharon acubillo no paraugas do Novo Cinema Galego. A este proceso tampouco son alleos os ciclos dedicados a estes títulos polo CGAI, a Universidade de Vigo, o Culturgal 2010 e máis recentemente o CGAC, nunha iniciativa que terá continuidade o ano vindeiro.
A estrea de Vikingland en FIDMarseille, que se celebrará entre o 6 e o 11 de xullo, é a xuízo de Pawley o terceiro fito máis importante na historia do cinema galego tras a participación de Peque Varela en Sundance (1977) e de Oliver Laxe en Cannes (Todos vós sodes capitáns).
Valentín Paz Andrade será o homenaxeado no Día das Letras Galegas do ano 2012
O poeta, ensaísta e empresario Valentín Paz Andrade (Pontevedra 1898- Vigo 1987) será o homenaxeado no Día das Letras Galegas de 2012, tal e como acordou este sábado o plenario da Real Academia Galega (RAG) por maioría.
A elección fíxose entre máis de 20 nomes que saíron á palestra do plenario da máximo institución da lingua galega e que se prolongou durante máis de tres horas, segundo confirmou o secretario da academia, Xosé Luis Axeitos.
A polifacética vida de Paz Andrade, pola súa importancia no mundo do xornalismo, a literatura e ensaio e a súa “capacidade empresarial”, pesou na valoración dos académicos para homenaxear o próximo ano a esta figura da que a RAG destaca “o seu compromiso co país”.
Valentín Paz Andrade foi un dos impulsores do grupo Pescanova, e como xornalista colaborou en ‘Faro de Vigo’ ou en ‘La Noche’, antigo vespertino que editaba ‘El Correo Gallego‘, nesta mesma casa.
Fonte: Galicia Hoxe
Leonard Cohen, Premio Príncipe de Asturias das Letras 2011
Leonard Cohen, quen tamén foi candidato este ano ao Premio Príncipe de Asturias das Artes pola súa faceta de cantante, poeta nado en Montreal en 1934, con obras como Flores para Hitler, Los hermosos vencidos ou Comparemos mitologías, así como tamén é autor de obras en prosa, como a novela El juego favorito.
Das 32 candidaturas que foron presentadas a esta edición, foron finalistas xunto a Cohen a tamén canadense Alice Munro e o novelista inglés Ian McEwan.
O galardón está dotado con 50.000 euros e a escultura creada expresamente por Joan Miró.
O “imaxinario sentimental” creado por Leonard Cohen no que “a poesía e a música fúndense nun valor inalterable” valéronlle ao poeta e cantautor canadense para ser distinguido hoxe co Premio Príncipe de Asturias das Letras. Así o resaltou o xurado reunido en Oviedo que destacou no seu fallo que o premio recaeu en Cohen “por unha obra literaria que influíu en tres xeracións de todo o mundo“.
Sobre la enfermedad de mi amor
¡Poemas! ¡Surgid!
¡romped mi cabeza!
¿Para qué sirve un cráneo?
¡Ayuda! ¡ayuda!
¡Os necesito!
Ella se está haciendo vieja.
Su cuerpo le dice todo.
Ha dejado a un lado los cosméticos.
Ella es una prisión de la verdad.
¡Haced que se levante!
¡danzad los siete velos!
¡Poemas¡ !silenciad su cuerpo!
¡Hacedla amiga de los espejos!
¿Acaso he de ponerme mi capa?
¿vagar como la luna
sobre cielos y cielos de carne
para partir de nuevo en la mañana?
¿Acaso no puedo fingir
que cada vez se vuelve más hermosa?
¿ser un convicto?
¿Acaso no puede mi poder engañarme?
¿Acaso no puedo vivir en mis poemas?
¡Deprisa! ¡poemas! ¡mentiras!
¡Maldita sea vuestra débil música!
¡Habéis dejado pasar a la artritis!
Tú no eres un poema
Eres un visado.
Domingo Villar é un dos finalistas ao premio Dagger no Reino Unido
A praida dos afogados é unha apaixonante novela de intriga que mergulla o lector no mundo da Galicia mariñeira, desde os areais das Rías Baixas á paisaxe urbana e as tabernas da cidade de Vigo. Domingo Villar volve introducir o lector nunha intriga sen acougo. Unha pescuda policial que, en A praia dos afogados, título desta segunda novela protagonizada polo inspector Leo Caldas, tamén é unha esculca na memoria e nas ilusións fanadas.
A novela parte dun descubrimento estarrecedor. O cadáver dun mariñeiro é arrastrado pola marea ata unha praia da vila de Panxón. Sen testemuñas nin rastro da embarcación do finado, o lacónico inspector Leo Caldas mergúllase no ambiente mariñeiro para tratar de clarexar o crime entre homes e mulleres que recean de desvelar as súas sospeitas e que. Un caso difícil para Caldas, que pasa malos momentos: o único irmán do seu pai está enfermo de gravidade e a súa colaboración no programa radiofónico de Onda Vigo estase volvendo cada vez máis inaturable. Tampouco non facilita as cousas o carácter arroutado de Rafael Estévez, o seu axudante aragonés, que non se dá adaptado á retranca e os sobreentendidos dos galegos.
Domingo Villar (Vigo, 1971) vive en Madrid, onde traballou como guionista de cinema e televisión. Coa súa primeira novela, Ollos de Auga (2006, 6ª edición no 2009), obtivo o Premio Frei Martín Sarmiento (concedido por alumnos e alumnas lectores de toda Galicia) e, coa súa tradución para o castelán (Editorial Siruela), os premios Sintagma e Brigada 21. Tamén foi finalista en dúas categorías dos Crime Thriller Awards en Gran Bretaña. Publicada en doce países, a primeira novela protagonizada polo inspector Leo Caldas é un dos libros máis vendidos entre os lectores e lectoras galegos.
Blogs Clubs Lectura das Bibliotecas Municipais da Coruña 