Category Archives: Efemérides
Mulleres, poetas e galegas
Cada 21 de marzo, desde a súa aprobación pola UNESCO na 30ª Conferencia Xeral en París no ano 1999, celébrase a nivel mundial o Día da Poesía co obxectivo de apoiar a diversidade lingüística a través da expresión poética e dar oportunidade ás linguas ameazadas de ser vehículo de comunicación artística nas súas comunidades.
“A poesía é unha manifestación da diversidade no diálogo, da libre circulación das ideas por medio da palabra, da creatividade e da innovación. A poesía contribúe á diversidade creativa ao cuestionar da maneira sempre renovada a forma en que utilizamos as palabras e os nosos modos de percibir e interpretar a realidade”. (Nacións Unidas, 2019)
Desde as Bibliotecas Municipais da Coruña, dentro do noso compromiso de promover a nosa cultura e a lingua galega, sumámonos á celebración desta efeméride tan fermosa coa campaña “Mulleres de carne e verso” coa que procuramos achegarvos a través das nosas redes sociais (Facebook, Twitter, Instagram) unha escolma de versos das nosas poetas nuns días especialmente difíciles por mor do Covid-19.
A proposta lanzouse a comezos desta semana nos nosos canais corporativos co propósito de celebrar a poesía e honrar ás mulleres poetas. Cada día unha biblioteca da rede foi compartindo as verbas da escritora homenaxeada e ata o momento puidemos gozar dos versos de…
Yolanda Castaño (Santiago de Compostela, 1977)
Escritora e xestora cultural ademais de creadora e coordinadora dunha das citas poéticas máis importantes na cidade: o ciclo Poetas Di(n)versos, que se desenvolve con carácter mensual no Centro Ágora.
Muller polifacética (guionista, presentadora de television, comisaria de mostras de arte e poesía, tradutora) e creadora recoñecida, entre outros, cos seguintes galardóns: Premio da Crítica e Premio Johán Carballeira por “Vivimos no ciclo das Erofanías” (1998), Premio Espiral Maior por “Profundidade de campo” (2007), Premio de Poesía Afundación por “A segunda lingua” (2014).
Lucía Aldao (A Coruña, 1982)
Poeta coruñesa que desenvolve a súa carreira tamén como cantante, guitarrista, guionista e animadora cultural. Xunto á escritora María Lado forma equipo para desenvolver proxectos como o espectáculo poético “Onde estea un cubata que se quite un soneto” ou a exitosa proposta poética, humorística e musical denominada “Aldaolado”.
Publica con Luis Walter Muñoz Fontenla a obra “Unha ducia máis un” (2005) e no ano 2018 sae á luz o seu primeiro libro de poemas en solitario “Todo isto antes era noite”.
Eli Ríos (Londres, 1976)
Autora prolífica que ten publicado obras de poesía, ensaio, narrativa infantil e xuvenil e novela para adultos . Galardoada, entre outros moitos, cos seguintes premios dentro do eido da poesía: XII Premio de Poesía Concello de Carral por “Nós escoitando o badalo de marienplatz” (2009), I Premio Rosalía de Castro por “Café intenso” (2015), XXVIII Premio Torrente Ballester por “Luns” (2016), IV Premio de Poesía González López Abente por “Culpable” (2017).
Realiza ademais obradoiros de escrita, contacontos para público infantil e colabora na revista dixital de crítica literaria feminista “A Sega”.
Desde o noso Club de Lectura Virtual se sumaron á proposta “Mulleres de carne e verso”, realizando no seu blog un percorrido pola vida e obra da poeta e membro da Real Academia Galega Luz Pozo. Convídovos á pasar tamén por aí e gozar da lectura desta entrada: “Luz Pozo, la poetisa de Ribadeo”.
Estade atentas e atentos ás nosas redes, a vindeira semana compartiremos con vós o nome e as verbas doutras cinco poetas galegas ás que desde as Bibliotecas Municipais rendemos homenaxe. Mentres tanto, despídome cunhas palabras de Audrey Azoulay -Directora Xeral da UNESCO- máis necesarias ca nunca:
“Cada forma de poesía é única, pero cada unha reflicte a universalidade da experiencia humana, o anhelo de creatividade que transcende todos os límites e fronteiras, tanto do tempo como do espazo, na afirmación constante de que a humanidade forma unha única e soa familia. Este é o poder da poesía!“
Flechazo Librero: el amor está en el aire… y en las librerías.
El Observatorio de la Lectura y el Libro pone en marcha ‘Flechazo Librero‘, una iniciativa para celebrar el Día de las Librerías que este año se celebra el 16 de noviembre, la campaña busca conocer aquellas librerías que nos tienen enamorad@s compartiendo a través de Twitter e Instagram los “flechazos libreros” (fotos, textos, vídeos…) donde los lectores expresemos nuestros amor por alguna librería.
La campaña está activa del 12 al 16 de noviembre y entre todos los mensajes, el Observatorio del Libro y la Lectura seleccionará los 10 flechazos que mejor se ajusten a los objetivos de la campaña y entre ellos elegirá un ganador que se llevará 100 euros para comprar libros en la librería de sus amores.
Además, las 10 librerías nominadas por los finalistas, recibirán material promocional de la Subdirección General del Libro, la Lectura y las Letras Españolas.
Amor, pasión, cariño, entrega por y para los libros y los lectores son algunas de las palabras que nos vienen a la cabeza cuando pensamos en las librerías y en los libreros y libreras.
Y es que las librerías son algo más que establecimientos comerciales, son espacios culturales, lugares mágicos donde encontrar un buen libro, una actividad maravillosa, una exposición inesperada, un escaparate genial… Pero las librerías no serían lo mismo sin los libreros y libreras, profesionales de tomo y lomo, nunca mejor dicho, que desde el otro lado de los mostradores despachan esa mercancía tan especial como son los libros. Y además ejercen de “Cupidos” cada día porque los libreros lanzan sus “flechas” lectoras a esos clientes ocasionales o fijos que entran en sus establecimientos, saben escucharlos y encontrar esos libros perfectos para ellos.
¿Os atrevéis a contarnos vuestros amores libreros?, a compartir ¿con qué librería o librerías has experimentado un auténtico flechazo librero? ¿Qué librería te hace tilín y por qué? por tener un buen fondo, por contar con una cuidada selección de novedades, por las actividades actividades culturales que programan, porque tienen un escaparate impactante, porque sus libreros y libreras saben aconsejar y descubrirte lecturas….
Podéis leer más información y consultar las bases del concurso desde la web del observatorio.
Por eso, del 12 al 16/11 ¡saca el ‘Cupido’ que hay en ti y cuéntanos qué librería te hace “tilín”, esa que te ha provocado un #FlechazoLibrero! 
Ojo al premio 
Día das Escritoras: Maria do Cebreiro, Rexina Vega, Fina Casalderrey, Teresa Moure, Emma Pedreira, María Xosé Queizán, Maria Reimóndez,
Maria do Cebreiro, Rexina Vega, Fina Casalderrey, Teresa Moure, Emma Pedreira, María Xosé Queizán, Maria Reimóndez e Ledicia Costas son as 8 escritoras que este ano eleximos para celebrar o Día das Escritoras.
Durante toda a semana pasada, fumos publicando a través das nosas redes sociais recomendacións literarias destas oito mulleres das nosas letras.
- María do Cebreiro: poeta e profesora/investigadora de Teoría da Literatura e Literatura Comparada na Facultade de Filoloxía da Universidade de Santiago de Compostela. Destacamos de maneira especial “O deserto“, que recibiu no ano 2015 o Premio da Crítica de Poesía Galega e “A lentitude“, un poemario con mensaxe esperanzadora que nos convida a reflexionar sobre a capacidade de reconstrución das persoas, publicado no ano 2017 en Libraría Chan da Pólvora.
- Rexina Vega: especialista na obra de Álvaro Cunqueiro e Premio Xerais 2007 coa súa obra Cardume. Destacamos tamén a súa segunda obra Dark Butterfly onde describe o proceso da enfermidade mental como unha lenta e consciente deriva cara á marxinación e a exclusión e critica o “fracaso do sistema sanitario”.
- Fina Casalderrey: mestra e escritora, publicou máis de cincuenta títulos dirixidos preferentemente a lectores infantís ou xuvenís aos que lles hai que sumar máis de vinte historias recollidas en volumes colectivos. Destacamos de maneira especial “O misterio dos fillos de Lúa“, polo que lle foi concedido o #PremioNacionaldeLiteratura no 1996, un dos tantos que recibiu ao longo da súa vida literaria. Dende o 2013 é membro numerario da RAG (Real Academia Galega).
- Teresa Moure: doutora en Lingüística. Gañou o Premio Lueiro Rey da novela curta en 2004 e o Premio Arcebispo San Clemente pola novela “A xeira das árbores“, ademáis do Premio Ramón Piñeiro de Ensaio en 2004 por “Outro idioma é posible“, Premio Xerais de novela, Premio Aelg. Premio Rafael Dieste de Teatro en 2007 pola súa obra “Unha primavera para Aldara” e o Premio da Crítica de narrativa galega por Herba Moura, unha das obras que limos nos nosos Clubs de Lectura.
- Emma Pedreira: poeta e narradora coruñesa encadrada na Xeración dos 90. Entre outros premios, recibiu o Premio Xerais de Novela 2018 pola súa obra “Besta do seu sangue“. O Premio Literatura Erótica 2016 Narrativas Quentes por “Corazón e demais tripas“. O Premio da Crítica Española de Narrativa Galega por “Bibliópatas e fobólogos”. E o Premio Internacional de Poesía Jovellanos 2017, “El Mejor poema del mundo”, con su poema “Lista da compra da viúva”. Forma parte da Plataforma de crítica feminista A Sega, que dende 2014 celebra o “Día das Galegas nas Letras”.
- Maria Xosé Queizán: escritora, ensaísta, tradutora, activista, directora da revista Festa da palabra silenciada e pensadora feminista. É unha das autoras máis relevantes e influentes das nosas letras. No ano 2016 A Sega adicoulle o III Día das Galegas nas Letras, tanto polo seu forte compromiso feminista, como polo valor do conxunto da súa obra. Animámosvos a lela sempre porque é unha delicia.
- María Reimóndez: escritora, feminista e doutora en tradución e interpretación. A súa obra componse tanto de poesía, como de narrativa (infantil, xuvenil e de adultos), ensaio e teatro. Tamén destaca o seu traballo como tradutora, especialmente na literatura infantil.
- Ledicia Costas: escritora de imprescindible pegada na nosa literatura infantil e xuvenil e máis alá (un dos seus títulos máis recoñecidos, “Escarlatina, a cociñeira defunta“, ven de ser traducido, entre outros idiomas, ao coreano), sen esquecer que ten algunha marabilla orientada para público adulto, v.g. “Un animal chamado néboa“. Ademais, leva acumulados unha restra de premios pola súa narrativa, e inclusive polos seus versos! Entre eses galardóns destacan o #PremioNacionaldeLiteratura Infantil e Xuvenil 2015 ou o Premio Lazarillo 2017 por “A balada dos unicornios“, novidade novísima xa dispoñible nos nosos andeis!
Son todas as que están pero non están todas as que son, o ano que ven outras oito serán as elexidas, mentres, aproveitade para ler algo das homenaxeadas este ano, as súas obras atópanse nas nosas bibliotecas.
Ademais, tamen lembramos a mulleres escritoras fora da nosa contorna:
- O papel das mulleres no mundo do cómic
- Autoras LGTB
- Escritoras Nobel do S. XXI
- Dos mujeres, dos épocas, dos feministas; Rosalía de Castro y Luisa Carnés
Día de las Escritoras
El Día de las Escritoras es una conmemoración promovida por la Biblioteca Nacional de España junto a la Federación Española de Mujeres Directivas, Ejecutivas, Profesionales y Empresarias (FEDEPE) y la Asociación Clásicas y Modernas que, desde el año 2016, busca reivindicar la labor y el legado de las escritoras a lo largo de la historia a partir de la lectura de fragmentos representativos de sus obras.
Las Bibliotecas Municipales de A Coruña nos sumamos a la iniciativa homenajeando a aquellas mujeres de las letras que merecen una especial mención.
Destacaremos cada día a una escritora gallega en nuestra página de Facebook, y recomendaremos sus libros en nuestra cuenta de Instagram. Pero además, aunaremos esfuerzos para dedicar publicaciones en nuestros blogs temáticos sobre:
- Mujeres en el mundo del cómic
- Escritoras que destacan por su labor reivindicativa de los derechos del colectivo LGTBI
- Escritoras Nobel del siglo XXI
Exeria está considerada la primera mujer escritora de toda la Hispania romana y dicen que era gallega. Pero a quien todo el mundo conoce es a Rosalía de Castro, Concepción Arenal y Emilia Pardo Bazán, quienes son quizá las escritoras gallegas más importante del s.XIX. Publicar en aquella época, y más para una mujer, era una auténtica gesta. Por el aquel momento las mujeres eran 6 veces más analfabetas que los hombres y las escritoras que llegaban a superar la censura para publicar debían hacerlo con un pseudónimo la mayor parte de las veces.
Hemos querido destacar los nombres de aquellas mujeres cuya obra literaria podéis encontrar entre los fondos de nuestras bibliotecas, pero somos muy conscientes de que la lista está viva y debe seguir ampliándose, por lo que iremos aumentándola con vuestras propuestas.
An Alfaya · Ana Romaní · Andrea Maceiras · Antía Otero · Ánxela Gracián · Arantza Portabales · Aurora Marco · Begoña Caamaño · Begoña García-Alén · Berta Dávila · Dolores Vilavedra · Dores Tembras · Eli Ríos · Emma Pedreira · Emma Ríos · Estibaliz Espinosa · Eva Moreda · Felicia Estevez Salazar · Filomena Dato · Fina Casalderrey · Helena Villar Janeiro · Inma Lopez Silva · Iolanda Zuñiga · Ledicia Costas · Luisa Villalta · Luz Pozo · Margarita Ledo · Maria Canosa · Maria do Cebreiro · Maria Reimondez · Maria Yañez Anllo · Marica Campo · Marta Dacosta · Mercedes Queixas · Rexina Vega · Rosa Aneiros · Rosario Alvarez · Rosalia Fernandez Rial · Teresa Moure · Úrsula Heinze · Xohana Torres · Xulia Pisón · Xulia Vicente · Yolanda Castaño · y muchas tantas….
CONCURSO #MeuLibro
– Que si, un lote completo!!!
– Nas biblios?
– Claro, o día 23 é o Día do Libro e dende ElClú pensamos que qué mellor xeito de celebralo que compartir as nosas lecturas participando no concurso que facemos.
– Que boa idea! E que dis que hai que facer?
– Fácil! Empregas o hashtag #meulibro e compártelo nas redes.
– E que teño que dicir?
– Pois o libro que esteas a ler, o que máis che gustou ou que recomendarías…
– Vale, e que dis que hai que poñer?
– #meulibro
– Ah! Pois voulle sacar unha foto e compartilo agora mesmo no Instagram das Biblios!
Xa vedes, na Biblioteca Infantil e Xuvenil de Durán Loriga, ElClú celebra o#DíadoLibro cun concurso para conseguir un lote sorpresa de libros e materiais multimedia a través das redes das Bibliotecas Municipais (Facebook, Instagram, Twitter…) indicando cal é o #meulibro. Só tedes que subir o título ou portada do libro que queirades entre hoxe 21 ata o xoves 29 de abril. O venres 30 de abril farase o sorteo e publicarase o nome d# afortunad#
E se tedes dúbidas de cal escoller (sabemos que non é doado) na Biblioteca Infantil e xuvenil (Durán Loriga) temos unha mostra celebrando os aniversarios de Cervantes e Shakespeare que poden dar pistas!!!
Todos os días son #8m
O día 8 de marzo celébrase o Día Internacional da Muller, un día para reflexionar acerca dos avances logrados, reivindicar mais cambios e celebrar a valentía e determinación de tantas e tantas mulleres que loitaron e loitan por avanzar na igualdade de oportunidades. Pero cada día é 8 de marzo, cada día dos 365 do ano é unha loita para reclamar os nosos dereitos, romper estereotipos e liberarnos dunha sociedade patriarcal que relega á muller a un papel secundario.
Dende as Bibliotecas Municipais da Coruña sumámonos a esta loita coa campaña #MulleresCoraxe, rendendo homenaxe a todas aquelas mulleres que, ao longo da historia romperon cos moldes que lles impoñía a sociedade na que viviron. O seu modo de ver e facer as cousas, as súas decisións e o seu traballo supuxeron un avance na defensa dos nosos dereitos.
E aproveitamos a ocasión para recomendar un lote de materiais, que forma parte da iniciativa Date ao lote! e que aborda historias de amor, resistencia e violencia nun mundo no que é preciso mudalo todo: Mulleres e activistas políticas.
O lote inclúe a novela de María Reimóndez En vías de extinción (Xerais, 2012), o poemario de Teresa Moure Eu violei o lobo feroz (Através, 2013) e a película Al otro lado (2007), dirixida por Fatih Akin. Leva ademais un dossier con material complementario, que permite relacionar e ampliar contidos. Neste caso, unha entrevista a María Reimóndez e o artigo A xeración Nós-outr@s: mulleres e ensaio en Galicia, de Montse Dopico.
“Gaia, a protagonista desta historia, é unha deses persoas que teñen a cerna dura coma un carballo, que asumen e reivindican o monte como berce persoal e que resisten a domesticación en todas as súas formas. Como un animal solitario, Gaia percorre os lugares interpretándose como un elemento ecolóxico chamado a cambiar o humus da forma máis discreta pero imborrable posible, invocando a revolución de ser quen se é sen compromisos, a través de batallas sen reféns, e poñendo o que se pensa sempre por diante.
Un día, o seu traballo como intérprete fai que a súa traxectoria se cruce coa da cantante de máis éxito do momento. Daquela, todas as certezas que ela manexara semellan estar en perigo. Ou, se cadra, é nesa intersección onde as súas pólas de montañesa políglota e viaxada poden chegar ao máis fondo do ceo”.
“Este livro, que ainda não é,
nasce duma ferida palpitante,
da dor imensa de ver-me desamparada
logo de tantas ideias libertadoras
que pulam, aí onde estais, fora destes muros,
nas ruas, nos antros mal ventilados
que não se conformam com o ar assético da democracia
Mas, sobretudo, este livro
nasce duma ferida
carnosa e suave
que ciclicamente sangra
e que levo aberta
entre as pernas.”
“As fráxiles vidas de seis persoas crúzanse durante as súas viaxes emocionais cara o perdón e a reconciliación, entre Alemania e Turquía.
Nejat non mira con bos ollos a relación que o seu pai, Ali, mantén coa prostituta Yeter. Yeter morre inesperadamente, deixando a súa filla Ayten en Turquía. Ayten, lesbiana e activista política, escapa a Alemania onde é acollida por Lotte. Susanne, nai de Lotte, está en contra desta situación”.
Premio ao mellor guión no Festival de Cannes, 2007
Premio Lux do Parlamento Europeo para o Cine, 2007
Lembrade que podedes seguir a campaña Mulleres Coraxe nas redes sociais coa etiqueta #mullerescoraxe, podedes participar das actividades programadas nas distintas bibliotecas da rede e podedes seguir facendo as vosas achegas á nosa wiki colaborativa.
Animámosvos a compartir con nós as vosas mulleres coraxe!!
Día da diversidade cultural
O 21 de maio conmemoramos o Día Mundial da Diversidade Cultural para o Diálogo e o Desenvolvemento e dende as Bibliotecas Municipais queremos sumarnos a esta celebración que debe axudarnos a comprender o valor da diversidade cultural e a mellorar a convivencia.
A Declaración Universal da UNESCO sobre a Diversidade Cultural aprobouse no ano 2001 e a continuación, a Asemblea Xeral das Nacións Unidas, declarou o 21 de maio como o Día Mundial da Diversidade Cultural para o Diálogo e o Desenvolvemento, a través da súa resolución 57/249 de decembro de 2002. Dende entón vense celebrando.
Fragmentos da Declaración Universal da UNESCO sobre a diversidade cultural
Gustaríame aproveitar a ocasión para recomendar unha obra que nos invita a descubrir, valorar e gozar a diversidade e a riqueza do mundo. Trátase da edición actualizada de Gente, escrita e ilustrada por Peter Spier (1927- ) e publicada recentemente en Patio Editorial. Aínda que se trata dun libro orientado especialmente ao público infantil, é de lectura obrigada para adultos de tódalas idades pola súa marabillosa lección de respecto e tolerancia.
A través de textos breves e magníficas ilustracións ás que non lles falta detalle, descubrimos un sinfín de persoas!!! Persoas de distintos países e continentes, persoas que viven de xeito diferente, persoas que se divirten de maneira diferente, persoas de aspecto físico diferente, persoas de relixións diferentes, persoas que se expresan en linguas diferentes… E precisamente no coñecemento desta diversidade está a base da tolerancia e o respecto á diferenza.
Anímovos a facer un percorrido pola diversidade que existe no mundo da man de Peter Spier e se é coa canción Xente de Berrogüetto como banda sonora, mellor que mellor!
Es muy extraño: algunas personas odian a otras porque no son como ellas. Porque son diferentes. Olvidan que ellos también parecerían diferentes si se pudieran ver a través de los ojos de las otras personas.
Pero imagina lo terriblemente aburrido que sería nuestro mundo si todo el mundo pareciera, pensase, comiese, vistiera y actuara igual.
Así que, ¿no es maravilloso que todos seamos diferentes?
Día de Rosalía 2015
A Asociación Escritoras-es Lingua Galega (AELG) promove dende o ano 2010 a conmemoración o 24 de febreiro, aniversario do nacemento de Rosalía de Castro, do Día de Rosalía.
Neste 2015 a AELG propón celebralo baixo o lema “Eu son Rosalía!” e convida os centros escolares, institucións, movemento asociativo, persoeiros da cultura galega e a todos os particulares que se quixeren sumar, a realizar actividades encamiñadas a afondar na diversidade temática da obra rosaliana, de modo que cada persoa descubra con cal das múltiples sensibilidades da autora se sente máis identificada, e así poder comunicalo ao resto do mundo gravando en vídeo unha frase que comezaría por “Eu son Rosalía porque/cando/para…“.
Todas aquelas persoas que vos animedes a realizar o vídeo ou que queirades expresar o voso sentir pola obra de Rosalía, podedes difundilo tamén en redes sociais utilizando o cancelo #EuSonRosalía.
Ademais, na Biblioteca Municipal Ágora realizarase unha lectura pública de textos rosalianos o martes 24 de febreiro ás 19.00 horas. Animámosvos a que vos acheguedes á biblioteca a celebrar connosco o Día de Rosalía e convidámosvos a participar coa lectura dalgunha das súas obras.
Ata entón, eu despídome cuns versos de Rosalía:
“Ben sei que non hai nada
novo embaixo do ceo,
que antes outros pensaron
as cousas que hora eu penso.
E ben, ¿para qué escribo?
E ben, porque así semos,
relox que repetimos
eternamente o mesmo”
Día Mundial do Refuxiado
Hoxe, 20 de xuño, celébrase o Día Mundial do Refuxiado, e esta semana, na Biblioteca Municipal Forum Metropolitano e na Biblioteca Municipal Sagrada Familia temos un Stand informativo e de sensibilización da ONG ACCEM, para que os visitantes poidan dispor de parte do material co que conta e coñezades as actividades que promove.
No Día Mundial do Refuxiado, Accem quere pór de relevo unha situación preocupante que é a imposibilidade de acceder á protección que dá o estatuto de refuxiado para miles de persoas. Imposibilítao o mero feito de non poder chegar ao territorio español e europeo. Os fluxos de persoas que tratan de chegar ao noso territorio son mixtos, formados por inmigrantes e refuxiados, polo que as accións de rexeitamento e as devolucións en fronteira impiden non só acceder a Europa senón a unha protección internacional á que teñen dereito.
Os conflitos armados son neste momento a primeira causa de desprazamento forzoso no mundo. Conflitos como os abertos en Siria, Mali, Somalia, Afganistán, Sudán, Iraq ou a R.D. Congo xeran a maior parte dos máis de 45 millóns de persoas refuxiadas no mundo. 4.485 desas persoas solicitaron protección internacional en España en 2013 o que constitúe unicamente o 1% das rexistradas en Europa (434.160 solicitudes).
Ás dificultades de acceso únense as dos procedementos. Reflexo diso é que só a 205 destas persoas recoñecéuselles o dereito ao estatuto do refuxiado en España e a 325 o estatuto de protección subsidiaria. Isto supón que ao 22,61% recoñecéuselles o dereito a protección internacional. Un incremento respecto ao ano anterior pero non suficiente.
Nas Bibliotecas Municipais da Coruña #recomendamosbmc unha selección sobre a temática do Refuxiado.
29 de abril, o día das verbas que danzan
Nas Bibliotecas Municipais da Coruña quixemos neste 2014 unirnos á celebración do Día Internacional da Danza a través de dúas actividades vinculadas á Biblioteca Ágora: a proxección do video Verbas que Danzan e a elaboración e difusión dunha mostra homónima, pensada para público adulto e que recolle materiais diversos arredor das artes do movemento corporal.
Canto ao video, no blog Suma Ágora fomos ofrecendo nos pasados meses información detallada do seu proceso de creación, que rematou coa presentación pública do mesmo nunha das seccións do festival Por amor al arte, en febreiro deste mesmo ano. Na súa realización, a cargo das compañeiras Clara Porta, Eva Vieites, Nelson R. Avilez, Natalia López Ponlla e Xavier Campos, contouse coa colaboración da bailarina profesional Carla López Ponlla, coruñesa afincada en Estados Unidos por estar vinculada ao Tulsa Ballet.
Pola súa banda, a mostra Verbas que danzan está a disposición das e dos usuarios do 14 de abril ao 14 de maio, e confórmase con discos, filmes, documentais, novelas e libros de ensaio relacionados de maneira directa ou indirecta coa danza e o baile. Cisne negro, Pina Bausch, Billy Elliot, Sempre quixen bailar un tango, Cascanueces, … son algúns dos materiais que as persoas interesadas poden atopar na mesma.
Deixámosvos co texto creado para o audiovisual, ao tempo que vos convidamos a achegarvos e descubrir máis sobre o mundo da danza a través desta sinxela pero bonita actividade da Biblioteca Municipal Ágora.
rozar a textura, o tacto, a calidade das palabras. pousar nas mans, a túa man na miña, e sentir a vida, poder apalpar cada latexo. márcase o que somos no lombo da tarde, cómbase por riba dos teus sorrisos, nos corpos a danzaren sobre as horas. todo é violento e todo brilla, leo. todo está ferido e todo nos salva.
gústame sentirte do meu lado, por onde medran os soños e a escrita avanza cara o ventre do silencio. gústame dicirte, vivirte, espirte de camisa negra e ollos vermellos, aloumiñarte de neno e amante e pobo e alicia e drama e viaxe e noite e misterio.gústame verte bailar,
gústame ver o movemento con que escribes a vida que nos invade, con que trazas a emoción no aire que respiro.
es aquilo que preciso a cada intre, omnímoda, abrangues todo canto eu son quen de vivir e de agardar. paséote porque habitas mundos,
mudas en príncipe do reino dos doces, en nena que rebenta os lindes do posíbel, en Sherazade que me salvas das rutinas e dos medos, en cidade de músicas diversas na lembranza, en bairro de mariñeiros e agra aberta á multitude. bebo os teus velenos e morro e somos para sempre ou esperto e non estás.
a escrita do teu corpo na miña terra, o que debuxas de mans abertas no tempo desta praza das palabras. é preciso, hoxe, poñer palabras ao que se rompe, falar desde a fenda, medir a fractura e as consecuencias, o seu centro e a súa expansión. é precisa a alegría, a cultura, o alento por soñar e danzar a esperanza da vida.xunt@s os libros arden mal, as letras infectan de futuro canto hoxe nos rouban os homes grises.
gústame verte bailar, mirarte na contorna do poema que me dictas, ofrecerche os meus pés para que subas e camiñemos. gústame tocar a túa boca e rachar os reloxos, desaprender para admirarme contigo, amarte contra toda esperanza, mergullarme nas palabras que me gardas e me dás, que me ofreces xenerosa e libre e luz.
vémonos, a diario, na praza das palabras, entre as verbas que danzan, nos espazos do común, teus e meus e de tod@s, onde a vida abre as portas e as palabras se acompasan ao ritmo dos teus latexos.
Blogs Clubs Lectura das Bibliotecas Municipais da Coruña 