Nace Bibliosons: un novo blog de música nas Bibliotecas Municipais da Coruña
Nas Bibliotecas Municipais da Coruña estamos de estrea, acabamos de inaugurar un blog de música, Bibliosons, co obxectivo de iniciar unha nova canle de comunicación con todos os amantes da música que visitades a miúdo os nosos fondos musicais ou descoñecedes por completo todo o que as nosas bibliotecas agochamos nas estanterías entre libros, películas e cd´s
Bibliosons pretende descubrirvos a gran variedade dos nosos fondos musicais pero tamén:
- Informar das últimas novidades musicais incorporadas ao noso catálogo
- Difundir as actividades que organizamos relacionadas coa música
- Crear un espazo interactivo onde colaborar con entidades e asociacións que traballan no eido da música na nosa cidade
- Empregar a música coma un elemento de integración das comunidades de inmigrantes existentes na Coruña, a través do (re)coñecemento da diversidade cultural e da súa valorización en positivo
- E sobre todo, por riba de todo: charlar, compartir, opinar, debatir e mellorar as nosas bibliotecas e particularmente os nosos fondos musicais con todas vosas aportacións e comentarios.
Bibliosons está estruturado en 8 categorías temáticas:
- Local (artistas e grupos)
- Actualidade (novidades, concertos, …)
- Retrovisor (artistas e bandas, escenas musicais, … de épocas pasadas)
- Recomendacións (nosas e dos nosos usuarios e usuarias)
- Entrevistas (a artistas, xente do ambiente musical da cidade, …)
- Radio (lista de reprodución)
- En profundidade (reportaxes)
- Ao Vivo (crónicas de concertos, os Xoves na Sagrada, …)
Participa, comenta e descúbrenos esa música que non atopas nas nosas bibliotecas, axúdanos a mellorar, porque como dicía Shakespeare:
O home a quen non lle conmove o acorde dos sons harmoniosos, é capaz de toda clase de traicións, estrataxemas e depravacións. William Shakespeare
E se queres recibir as próximas actualizacións de Bibliosons no teu correo, deixános o teu nome e o teu correo no formulario de contacto.
Novo clube de lectura nas bibliotecas municipais: “ELClú”
Tomando nota do lema das nosas Bibliotecas Municipais “Coruña, cidade que le” a Biblioteca Municipal Infantil e Xuvenil presenta unha proposta adicada aos mozos e mozas da cidade.
Esta vez vai dirixida ós adolescentes porque son eles os que cada día len de diversas e divertidas maneiras. Porque agora todos lemos no Facebook, no Twiter, no Tuenti, ademáis eles tamén len no instituto, len as cancións dos seus artistas favoritos, os wasaps dos colegas e mesmo nos botes de champú do baño.
Por isto, a partires do vindeiro mes de Outubro, contaremos na Biblioteca Municipal Infantil e Xuvenil cun clube de lectura: “ElClú”. Este terá como nexo de unión os libros e será a excusa perfecta para coñecer xente, desfrutar da conversa cos autores, intercambiar opinións sobre as personaxes, pór, en definitiva, a máquina de pensar en funcionamento.
Se tes máis de once anos e pensas que podes disfrutar do noso clube non o penses mais e fai a túa preinscripción entre o 2 de setembro e o 14 de setembro. Para facela só tes que:
– Chamarnos por teléfono ao 981184388
– Achegarte á biblioteca.
– Ou enviar un correo electrónico a binfantil@coruna.es
Biblioteca(thlon)
Na marabillosa tarde de onte, soleada e calurosa, fun a unha coñecida tenda onde venden artigos, roupa e calzado deportivos. A curiosidade que vos quero contar xurde cando me dispoño a pagar, momento no que vexo uns carteis que me fan recordar os resultados da enquisa de valoración que distribuímos vía mail nos primeiros meses de 2013 entre usuarios das nosas bibliotecas.
Encontraches o que buscabas? Se non é así mándanos un mail a xxxx@xxx
Claramente, a superficie comercial busca e potencia a interacción cos clientes para obter o feedback que xenera a transmisión do coñecemento (ata o de agora nas mans dos clientes). Se a empresa non coñece as necesidades e opinións destes, dificilmente poderá mellorar e/ou cubrir as expectativas das persoas que se desprazan ata alí coa intención de adquirir algún artigo novo. E o que é peor, quizá non consiga nin que se despracen.
Como vos dixen, non puiden evitar levar isto ao meu terreo profesional e pensar que nas nosas bibliotecas ben poderiamos facer o mesmo: colocar uns carteliños similares, na saída dos recintos ou nos propios mostradores, para saber de primeira man se todo aquel que entra nas nosas instalacións atopa aquilo que está buscando.
E poderiamos tamén incluír un código QR desde o que enlazar o formulario de suxerencia de compra (dispoñible na nosa páxina web e nos mostradores en formato papel) para que calquera persoa desde o seu smartphone poida acceder e cubrilo no mesmo instante en que sae da biblioteca e mentres camiña cara o bus, o súper, o ximnasio…
O texto do cartel podería ser algo así:
Se queres que a biblioteca consiga algún libro, vídeo, disco ou calquera outro material que che interese e que non haxa en ningunha das 8 bibliotecas, cubre este formulario e intentaremos adquirilo para que poidas gozar del o antes posible.
Seguro que así recibiríamos máis suxerencias online que as 207 recibidas durante o ano 2012; e mataríamos ademais 2 paxaros dun só tiro ao darlle máis visibilidade a un servizo que resultou ser pouco coñecido entre os usuarios que cubriron a enquisa que vos mencionei.
E vós, coñecíades este servizo? Ou é a primeira vez que oídes falar del? Quizá en breve poidamos cambiar o lema e dicir:
A Coruña, a cidade que le e suxire lecturas
Lecturas de verán para os pequechos
A lectura sen dúbida é a chave prodixiosa da información e da cultura
No caso dos máis pequenos a literatura infantil e xuvenil contribúe a formar o pensamento crítico e a capacidade reflexiva do pequeno lector, a construir a súa identidade e a do entorno que o rodea, axudando a forxar a linguaxe e desenvolver a sensibilidade artística.
A colaboración dos pais é necesaria para impulsar o proceso de aprendizaxe. Acompañar o desenvolvemento hacia a madurez con historias e personaxes que apoien a formación de valores e de formas de vida elexidas na idade adulta.
Tanto pequenos como adultos cando lemos e desprendémonos non nos facemos necesariamente máis sabios, pero sí máis listos: descubrimos o que aínda descoñecemos, confirmamos o que non sabemos.
A lectura e as recomendacións
A lectura é sin dúbida unha tarea de gran proveito público. Non requiere enormes desembolsos nin exixe fortísimas inversións. É máis, resulta unha labor de moito máis desprendemento que fomenta o feito de que aquelo que les acábalo repartíndolo a mans cheas. Cando tes un amigo sempre acabas contándolle ese libro que acabas de ler e o que che pareceu. O normal é que o destinatario non se conforme e acabe lendo o libro para comprobalo por el mesmo.
Dende Bibliotecas Municipais ofrecemos para os máis pequeños recomendacións de lecturas para este verán.
- Préstamo sorpresa na Biblioteca Infantil e Xuvenil : Ofrece este verán aos seus lectores recomendacións bibliotecarias en forma de sorpresa en lotes de 5 documentos. Máis información
- Divertímonos Xogando na Biblioteca Municipal do Ágora: Conta cunha selección de materiais relacionados coa chegada das vacacións escolares e a posibilidade de gozar durante moito tempo de xogos e exercicios nun momento en que o lecer é o protagonista do verán. Máis información
- Lecer coas mans na Biblioteca Municipal do Ágora: Ofrece unha mostra bibliográfica Lecer coas mans, dirixida ao público infantil, relacionada coa reciclaxe, a diversión, o tempo libre e toda unha batería de posibilidades que nos ofrecen todos os días unha gran cantidade de materiais que refugamos como non válidos na nosa vida diaria. Máis información
Convidámosvos a visitar as nosas Bibliotecas Municipais para desfrutar dos contiños e poder levalos en préstamo. Consulta a súa dispoñibilidade no noso catálogo.
Feira do libro e Viñetas desde o Atlántico
Gema e Iván na apertura do stand
Hoxe arranca a Feira do Libro e da Banda deseñada na Coruña e alcanza xa a súa 42 edición. Este ano coincide co XVI Salón do cómic: Viñetas desde o Atlántico.
Os nosos bibliotecarios expertos en cómics (dous deles na foto) están xa no stand para suministrar toda a información acerca da feira e das bibliotecas, nas que, como todos sabedes, temos un amplísimo fondo de cómics para todos os gustos.
As mellores librarías da cidade (que por sorte para nós son moitas) tráennos as últimas novidades publicadas ao tempo que nos dan a posibilidade de coñecer de primeira man os seus autores e autoras.
Se te pasas polos Xardíns Méndez Núñez entre o 1 e o 11 de agosto poderás obter un 10% de desconto en todos os libros que están á venda. O horario de apertura é de 11 a 14 horas polas mañás e de 18 a 22 horas polas tardes.
O compromiso das Bibliotecas Municipais da Coruña co cómic é moi serio e profundo e, por iso, organizamos unha chea de actividades e diversas seleccións de cómics para complementar todo isto dentro das nosas bibliotecas.
Ademais, a Biblioteca Municipal de Estudos Locais, especializada en todo o referente á Coruña, alberga e dixitalizan documentos que poden resultar, cando menos, interesantes e curiosos, coma a colección de carteis da Feira do Libro da Coruña de todos os anos. Que vos parece o contraste destes dous carteis?
Cartel da Feiro do Libro coruñesa do 2013
Cartel da 2ª Feira do Libro antigo e de ocasión na Coruña, dixitalizado e disponible no catálogo das Bibliotecas Municipais
Como unha novela, un antimanual de literatura
Publicada en 1993, Como unha novela é unha obra de Daniel Pennac, na que o autor reflexiona sobre a lectura, ou mellor dito, sobre as causas polas que os adolescentes deixan de ler nun determinado momento. “En realidade, non é un libro de reflexión sobre a lectura -di o autor-, senón unha tentativa de reconciliación co libro”. A idea é que se perda o medo a ler e se deixe de lado a imposición lectora, porque “o verbo ler non tolera o imperativo”.
Daniel Pennac, seudónimo de Daniel Pennacchioni, é un escritor francés nado en Marrocos en 1944. Iniciou a súa actividade literaria con libros para nenos e adquiriu gran popularidade coas novelas da saga sobre a la familia Malaussène. En 2007 recibiu o Premio Renaudot, pola súa obra Mal de escola.
En Como unha novela Pennac cuestiónase o motivo polo que moitos mozos non len e contrapóñeo co sentimento das xeneracións anteriores, ás que lle prohibían moitas lecturas; para eles, ler era un acto subversivo: “Ao descubrimento da novela añadíase a excitación da desobedencia”.
Este antimanual de literatura conclúe cun decálogo, non dos deberes, senón dos dereitos imprescindibles do lector, que tantas voltas dan por internet grazas ao ilustrador Quentin Blake.
Nas Bibliotecas Municipais da Coruña podes atopar moitas obras de Daniel Pennac: Como unha novela, a saga Malaussène, se gustas da novela negra, Señores niños ou Mal de escola.
Porque como di Pennac: “O home constrúe casas porque está vivo, mais escribe libros porque se sabe mortal. Vive en grupo porque é gregario, pero le porque se sabe so”.
Leo, leo, ti que les ?
Decía Borges que “Dos diversos instrumentos inventados polo home, o máis asombroso é o libro; todos os demáis son extensión do seu corpo… Só o libro é unha extensión da imaxinación e da memoria”
Lemos todos os días. A todas horas. Inconscientemente: a información nutricional da caixa de cereais, a factura da electricidade, as vallas publicitarias. Conscientemente: unha novela de Anxos Sumai, o xornal, o Facebook. Realmente somos máis lectores que nunca.
Tanto pequenos como adultos cando lemos e nos deprendemos non nos facemos necesariamente máis sabios, pero sí máis listos: descubrimos o que aínda descoñecemos, confirmamos o que non sabemos
Recomendar un libro
A lectura é sin duda unha tarea de gran proveito público. Non requiere enormes desembolsos nin exixe fortísimas inversións. É máis, resulta unha labor de desprendemento, que fomenta o intermabio, o feito de que aquelo que les, acábalo repartíndolo a mans cheas. Cando tes un amigo sempre acabas contándolle ese libro que acabas de ler e o que che pareceu. O normal é que o destinatario non se conforme e acabe lendo o libro para comprobalo por el mesmo.
Dende as nosas Bibliotecas Municipais ofrecemos para o noso público adulto recomendacións de lecturas para este verán e mostras bibliográficas temáticas para poder poñer en práctica todos eses beneficios que nos aporta a lectura
Adultos
- A obra de Pablo Ruiz Picasso na Biblioteca Estudos Locais: Mostra que conmemora os 40 anos do falecemento, Pablo Ruiz Picasso, o xenio da pintura que viviu na nosa cidade ocorrida entre 1891 e 1895, dende que o pintor tivo 10 anos e ata que cumpriu 14. Máis información
- Mostra de Viaxes Biblioteca do Fórum Metropolitano: Trátase dunha ampla selección de recomendacións en formato bolsa-pack de libros,música, dvds organizada conxuntamente co CMIX que nos permite poder facer unha viaxe á medida, introducirsnos nos ambientes máis exóticos ou embarcarnos nun cheo de aventura con libros de gastronomía, guías de viaxes, novelas …. Máis información
- Faino ti mesmo na Biblioteca do Castrillón: Selección de libros, revistas, dvd explicativos para que poidas desenvolver por ti mesmo traballos manuais nos que se poida dar renda solta á imaxinación, ao enxeño e á orixinalidade. Máis información
- Recomendacións para o tempo libre da xuventude na Biblioteca do Castrillón: Selección de recomendacións dirixida á mocidade de máis de 14 anos
- Mostra Xeografía do Crimen na Biblioteca de Monte Alto: Mostra bibliográfica sobre novela de intriga de autores europeos, españois e galegos. Máis información
- Imos a…na Biblioteca de Os Rosales: Mostra documental de guías turísticas, dvds e novidades ambientadas nas mellores cidades do mundo. Máis información
- Divertímonos Xogando na Biblioteca de Ágora: Selección de materiais relacionados coa chegada das vacacións escolares e a posibilidade de gozar durante moito tempo de xogos e exercicios nun momento en que o lecer é o protagonista do verán dirixidos ó publico adulto para desfrutar cos pequenos. Máis información
Este é, sen dúbida, un dos homenaxes máis bonitos e representativos feito ao libro e a lectura. The Fantastic Flying Books of Mr. Morris Lessmore foi a curtametraxe elexida como gañadora nos Premios Óscar na categoría de Mellor Curtometraxe en 2012.
Ven a visitar as nosas bibliotecas e leva en préstamo a nosas recomendacións. Podes consultar o noso catálogo para ver a disponibilidad dos libros, revistas, cd, dvd, …
La tan denostada literatura romántica
Durante este mes tuvo lugar en nuestra ciudad el II Congreso de Literatura romántica, un tipo de literatura frecuentemente denostada y criticada, pero que como en todo hay buenos y malos escritores. De hecho el romanticismo, (un movimiento cultural, artístico y literario que se remonta a mitad del siglo XIX y en donde se da gran importancia a los sentimientos, las emociones y la fantasía) está muy presente en el cine, en la música, en la pintura… y cosecha gran éxito por parte de un gran público.
The Awakening of Adonis. Obra de John William Waterhouse
Desde Shakespeare y su canon de amor platónico “Romeo y Julieta” pasando por las famosas “Rimas y Leyendas” de Becquer, hasta las imborrables historias de amor del Premio Nobel de Literatura Gabriel García Marquez, por no hablar del gran tirón mediático de la famosa Corin Tellado, (escritora española más leída después de Cervantes y la autora más vendida en español)que lejos de entrar a valorar la calidad de su obra, no podemos olvidar que sus historias permitieron a muchas mujeres de la España de la posguerra adquirir el hábito lector y/o evadirse de la triste realidad de la época.
Desde las Bibliotecas Municipales da Coruña queremos rendir nuestro particular homenaje a literatura romántica y además de descubrir nuevos autores del género romántico (Laura Kinsale, Lisa Kleypaso Teresa Cameselle) rescatar del olvido de las estanterias aquellas obras que han marcado la historia del románticismo y en donde como en Becquer destaca un amor sentimental, triste y meláncolico, o como en Don Juan se exalta un amor pasional, un sentimiento arrebatador e irreflexivo.
En la Biblioteca de Sagrada Familia y en la Biblioteca Infantil y Juvenil encontrareis durante todo este mes un rincón destacado para estos libros con novedades importantes como “En tiempos de druidas” de Kelly dreams, “Despertar” de Nancho Novo, “La heredera” de Elena Garquin, “El benefactor” de Sabrina Jeffreis, “El mapa de tus sueños” de Teresa Cameselle, “Una noche nada más” de Tessa Dare…
O 5 e o 6 de xullo deste mesmo ano (2013), A Coruña acolleu o II Congreso de Novela Romántica, ao que desde as bibliotecas municipais queremos contribuir poñendo ao voso dispor unha pequena mostra do xénero. Déixate namorar pola literatura romántica!
Y durante todo el año podeis encontrar recomendaciones de este tipo de literatura en nuestro tablón en Pinteret sobre literatura romántica, así como bucear por los blogs que hemos seleccionado para vosotros sobre este tema en nuestro delicious.
Y tú, ¿te confiesas lector/lectora de este tipo de literatura? ¿has leído alguno de estos libros que puedas recomendarnos?
Miguel Anxo Fernán Vello presenta Habitación de Asombro
El venres 12 de Xullo o poeta Miguel Anzxo Fernán Vello presenta o seu novo libro Habitación do Asombro editado por Espiral Maior na sede de Amigos de Museos de Galicia-Portas Ártabras as 20.00 horas
Miguel Anxo Fernán Vello
Naceu en Cospeito en 1985. Realizou estudos de Música (Guitarra Clásica) no Conservatorio Superior de Música da Coruña e de Psicoloxía e Filoloxía Hispánica na Universidade da Coruña e na Universidade de Santiago de Compostela. Membro da Asociación de Escritores en Lingua Galega e AGAL.
En 1991 fundou a editorial Espiral Maior e foi, tamén, un dos fundadores das revistas Cen augas e Agália. Deuse a coñecer ao ser premiado no VIIº Concurso Modesto R. Figueiredo co relato Anti-memória dun día.
No ano 2001 estreouse, por encargo da Orquesta Sinfónica de Galicia, a súa cantata Cantiga Finisterrae para múltiples voces de luz.
Como escritor é autor de numerables obras tanto en poesia como de teatro, ademáis de colaborar en obras colectivas
Unha mostra das súas últimas obras son:
- Poetas e Narradores nas súas voces (Vol. I), 2001, Consello da Cultura Galega.
- Capital do corpo, 2004, Deputación da Coruña.
- Territorio da desaparición, 2004, Galaxia. Publicado en castelán (en edición bilingüe) como Territorio de la desaparición no 2011, en Huerga & Fierro.
- Dicionario do estremecemento, 2007, Espiral Maior.
- Antologia Poetica, organización de Manuele Masini e Teresa Seara, tradución ó italiano de Manuele Masini. Pisa, editorial ETS: 2008.
- Astro interior. Escolma poética 1984-2007, 2008, PEN Clube de Galicia/Danú.
- Habitación do asombro, 2013, Espiral Maior.
A
súa última obra , Habitación do Asombro foi galardoada co XXVIII Premio de Poesia Cidade de Ourense.
No seu dia o xurado elexiu por unanimidade Habitación do Asombro e salientou que é:
«un libro de poemas de longo alento que mantén a tensión poética de principio a fin sen decaer en ningún momento. De grande unidade temática estilística, con imaxes reveladoras e brillantes, de grande perfección rítmica. Ofrece unha lectura transversal na que os poemas se vinculan ao momento histórico que vivimos».
Nas Bibliotecas Municipais de A Coruña podes atopar obras tanto de Miguel Anxo Fernán Vello como numerosos títulos da Editorial Espiral Maior, que el mesmo fundou e que é todo un referente da aposta pola poesía e polos autores noveles deste xénero.
Blogs Clubs Lectura das Bibliotecas Municipais da Coruña 