Arquivo do blog
O Consello da Cultura presenta a edición facsimilar de Loia
Os catro números da revista Loia, que acolleu os primeiros textos de Lois Pereiro, saen á luz agora nunha edición facsimilar da man do Consello da Cultura Galega.
A institución segue así a súa tradición de homenaxear con este tipo de publicacións os protagonistas do Día das Letras.
A edición inclúe un estudo crítico da revista coordinado por Xosé Manuel Pereiro no que se poden atopar artigos del mismo, Ramón Villares, Helena González, Antón Patiño e Manuel Rivas. A edición completa está dispoñible na rede para a libre descarga.
A obra completa de Pereiro sae en edición bilingüe galego-castelán
Libros del Silencio, editora barcelonesa dirixida polo galego Gonzalo Canedo, acaba de presentar a súa edición da Obra completa de Lois Pereiro, que inclúe tanto os poemas como os escritos en prosa do homenaxeado no Día das Letras. O libro, que conta cun prólogo de Pere Gimferrer foi traducido para ao castelán por Daniel Salgado e inclúe unha introdución de Xosé Manuel Pereiro ao mundo creativo do seu irmán.
Blogs Clubs Lectura das Bibliotecas Municipais da Coruña 