Category Archives: Novas
A obra completa de Pereiro sae en edición bilingüe galego-castelán
Libros del Silencio, editora barcelonesa dirixida polo galego Gonzalo Canedo, acaba de presentar a súa edición da Obra completa de Lois Pereiro, que inclúe tanto os poemas como os escritos en prosa do homenaxeado no Día das Letras. O libro, que conta cun prólogo de Pere Gimferrer foi traducido para ao castelán por Daniel Salgado e inclúe unha introdución de Xosé Manuel Pereiro ao mundo creativo do seu irmán.
Manuel Lourenzo González gaña O Barco de Vapor
Manuel Lourenzo González obtivo o Premio de Literatura infantil O Barco de Vapor, no seu vixésimo sexta edición. Dotado con 6.000 euros e convocado pola Fundación SM, o premio pretende potenciar a creación de literatura infantil e xuvenil en galego que fomenten o gusto pola lectura e transmita valores humanos, sociais, culturais e relixiosos que axuden a construír un mundo máis digno. O xurado, formado por Manuel Figueiras, especialista en literatura infantil e xuvenil; Isabel Soto López, crítica literaria e tradutora; e Xavier Senín, catedrático de bacharelato, considera que a novela gañadora é “unha narración chea de imaxinación e fantasía, que destaca polo acertado deseño do mundo no que transcorre, co uso dunha linguaxe propia que dá conta de todas as súas peculiaridades”. Os organizadores informaron nun comunicado de que o premio se converte este ano en bienal, polo que a próxima edición se fallará en 2013
Manuel Guede Oliva gaña o Premio de Teatro Rafael Dieste
A obra A función do Tequila, do dramaturgo Manuel Guede Oliva, é a gañadora do Premio de Teatro Rafael Dieste, que outorga dende hai quince anos a Deputación da Coruña. O fallo fíxose público onte na sede da institución polo seu presidente, Salvador Fernández Moreda, que declarou que o traballo de Guede foi seleccionado “por unanimidade” entre 27 candidatos. O xurado do premio, integrado por Antonio Simón, Elena Luaces, Henrique Rivadulla Corcón, Manuel Manquiña, Santiago Cortegoso e Eduardo Alonso declarou, a través de Manquiña, que seleccionou A función do tequila por ser unha obra “áxil e sinxela, que propón un espazo escénico moi atractivo e un xogo entre a realidade e a ficción que pode ser moi atractiva para o espectador”. Asemade, o actor afirmou que a experiencia profesional de Manuel Guede –que dirixiu durante 15 anos o Centro Dramático Galego– “nótase, e demostra que é un factor moi importante”.Un libro recupera a faceta literaria de Laxeiro
Oitenta e tres textos inéditos canda a trinta e tres recuperados de diferentes publicacións. Este é o contido de Laxeiro. Os escritos de Don Ramiro, o libro que se presenta o vindeiro luns en Vigo e que recolle a faceta literaria do coñecido pintor. O proxecto, publicado pola Fundación Laxeiro, recolle a totalidade da obra escrita do artista, nun traballo coordinado por Javier Pérez Buján. O libro darase a coñecer o vindeiro luns ás 19:30 horas na Casa Galega da Cultura, en Vigo.
Fonte: Xornal
Presentación “O dragón Pepón”
Presentación, mérc
ores, 13 de abril, as 18:30, na Biblioteca do Forum Metropolitano do método O Dragón Pepón elaborado por mestras galegas con experiencia nestas áreas.
Glía edición ten o pracer de presentar o proxecto O Dragón Pepón, un método de estimulación da linguaxe oral dirixido a nenos e nenas de Educación Infantil.
O Dragón Pepón, é un método desenvolvido por mestres de extensa experiencia neste eido, responde a unha necesidade pouco cuberta ata o de agora na educación galega. Nesta presentación participarán as autoras do proxecto e un representante da editorial para explicar esta nova ferramenta para o traballo na aula.
Concerto acústico de Sés con Mª Xosé Silvar e Tito Calviño na Biblioteca Municipal Fórum
Concerto acústico de Sés con Mª Xosé Silvar e Tito Calviño na Biblioteca Municipal Fórum
Víctor Freixanes recolle o premio ao autor do ano dos libreiros
A Federación de Libreiros de Galicia concedeu o premio ao mellor autor do ano 2010 o director de Galaxia, o académico Víctor Freixanes, pola súa obra Cabalo de ouros (Galaxia). Freixanes volveu a literatura con este libro despois de case vinte anos sen escribir unha novela.O autor dedicouse principalmente nestes anos ao seu traballo como editor. Os organizadores dos premios consideraron que Freixanes merecía este galardón polo seu esforzo a prol da lingua galega e da literatura do país.Fonte: Xornal
Diego Ameixeiras premiado co mellor Libro do Ano por Asasinato no Consello Nacional
Diego Ameixeiras premiado co mellor Libro do Ano
A gran festa do gremio dos libreiros tamén quixo recoñecer o talento doutro escritor do país, Diego Ameixeiras, que gañou na categoría de Libro do Ano 2010 coa súa novela Asasinato no Consello Nacional (Edicións Xerais), unha intriga de carácter político ambientada no BNG, que conseguiu esgotar a súa primeira edición só unha semana despois de chegar ás librerías.
Alberte Cupeiro. Este é o novo detective privado que se suma á cada vez máis ampla nómina de investigadores privados da literatura galega. Cupeiro é o encargado de investigar o Asasinato no Consello Nacional. O caso é nada menos que o asasinato dun dirixente do BNG cando sae dunha reunión do Consello Nacional. A novela é «unha clara homenaxe a Vázquez Montalbán», autor dunha novela negra publicada en 1981 que levaba por título Asesinato en el Comité Central (Planeta), na que nunha reunión rutinaria do PC español apáganse as luces e aparece morto o seu secretario xeral; a investigación corre a cargo do comisario Fonseca, designado polo Goberno, e de Pepe Carvalho, o detective creado por Montalbán que cumpre aquí o encargo do PC.
Charla sobre os libros electrónicos na Biblioteca de Monte Alto
O vindeiro martes 12 de Abril as 19.30 na Biblioteca Municipal de Monte Alto, na Coruña, convidamosvos a unha charla impartida por Tati Mancebo , experta en xestión de contidos dixitais e que tentará resolver todas nosas dúbidas:
LIBRO ELECTRÓNICO. Qué é? Por que? Para que? Onde atopalo? Cal escoller? En que me debo fixar? E os contidos??
Atopa a resposta a todas estas preguntas nas Bibliotecas Municipais nesta charla informativa na Biblioteca de Monte Alto. Os asistentes terán a oportunidade de ver e probar diferentes dispositivos de lectura.
Achegarte 2/3 Abril Palexco – A Coruña
25 concertos de 25 bandas e solistas, 15 representacións de artes teatrais, 6 representacións de danza, 24 obradoiros, presentacións de obras editoriais, ilustracións, maxia, cinema para os máis pequenos, espazos de debate con moitos dos artistas máis representativos da nosa cultura, espazos vertebrados de acción cultural…
MÁIS DE 114 NOMES compoñen o programa de Achegarte 2011 os días 2 e 3 de Abril no Palexco. Xa podes consultar o programa e coñecelos, ademais de datas, horarios e lugares.
Ademais, lembra que podes participar en ACHEGARTE CONECTA intervindo no espazo Foro aberto para a análise da situación actual e dos retos da cultura galega. A través do Foro, organizado en oito categorías, búscase que creadores, profesionais e cidadáns interesados poidan debater nas semanas previas ao AchegARTE sobre a realidade actual dos diferentes sectores, de cara á constitución de oito mesas de traballo que se reunirán finalmente no propio evento e farán públicas as súas conclusións.
Blogs Clubs Lectura das Bibliotecas Municipais da Coruña 