O libro sobre o poeta monfortino titularase Lois Pereiro. A urxencia poética dun futuro alleo, e nel, Queixas percorrerá a traxectoria do escritor. O libro inclúe unha ampla reportaxe fotográfica sobre Lois Pereiro e unha escolma que, a forma de apéndice, achega unha visión global do escritor. “Pereiro era rompedor e fresco, rompía co seu pensamento. Escollín unha escolma que amosase trazos da súa concepción poética. No apéndice hai poemas dos dous poemarios que publicou [Poesía 1981-1991 e Poesía última de amor e enfermidade], pero tamén fragmentos de Modesta proposición”, explica.