O ciclo de encontros con autores Libros en directo continúa a súa terceira tempada co escritor mexicano Jorge Volpi.

O encontro, presentado como é habitual por Pedro Ramos, terá lugar este xoves 20 de novembro ás 20.00 horas no Centro Ágora. Volpi presentará a súa nova obra Memorial del engaño, recentemente publicada na editorial Alfaguara.

Jorge Volpi naceu o 10 de xullo de 1968 en Cidade de México. É licenciado en Dereito, mestre en Letras Mexicanas pola Universidade Nacional Autónoma de México (UNAM) e doutor en Filoloxía Hispánica pola Universidade de Salamanca. Traballou como diplomático en Francia, colaborou en diversos medios culturais como o xornal El País e Reforma e foi director do Canal 22 no período comprendido entre 2007 e 2011. Cultivou principalmente xéneros como o ensaio e a novela.

Nas Bibliotecas Municipais da Coruña atoparedes as seguintes obras de Volpi:

• En busca de Klingsor. Premio Biblioteca Breve 1999

• Oscuro bosque oscuro: una historia de terror

• Leer la mente: el cerebro y el arte de la ficción

• La tejedora de sombras. Premio Iberoamericano Planeta – Casa de América 2012

• Memorial del engaño

Podedes consultar a dispoñibilidade destas obras no noso catálogo:

E se queredes ver a Volpi en directo e descubrir máis detalles sobre a súa traxectoria e a súa última novela… lembrade, a cita este xoves 20 no Centro Ágora!!