Inauguramos ano e tamén un novo club de lectura no punto de préstamo de Mesoiro, un club de lectura para ler, facer amizades e falar de libros e … de moito máis.

Que é un club de lectura?
Un grupo de persoas que se reúnen periodicamente para comentar e valorar os libros, que a biblioteca lles proporciona, coa axuda dunha persoa coordinadora.
Non tes que ser un experto lector: os clubs están pensados para persoas con inquietudes culturais, ganas de ler, facer amigos e intercambiar opinións con outras persoas. En realidade, o libro é só o punto de partida.

Empezamos o día 13 de xaneiro, e ti tan só tes que inscribirte dende a nosa web.