O próximo domingo 23 de abril celébrase a nivel internacional o Día do Libro, unha conmemoración que ten por obxectivo o fomento da lectura e que coincide co falecemento de Miguel de Cervantes, William Shakespeare e o Inca Garcilaso de la Vega no ano 1616.

As bibliotecas únense a esta celebración cunha chea de actividades. O luns 24 de abril poderás levar en préstamo tantos libros, CDs, revistas, etc… como queiras! E ademáis dende o 17 e ata o 25 de abril, nas bibliotecas organizamos unha morea de actividades e inauguramos un novo servizo para festexar esta data tan especial, ademáis das mostras e exposición de libros, e dos programas habituais como Bebencontros, Canto Conto, Merendas con Contos e Biblioteca Verde.

Tomade nota:

• 19 de abril: Contos de ida e volta con Charo Pita na Biblioteca Forum e Encontro coas libreiras da cidade na Biblioteca de Os Rosales
• 21 de abril: Contacontos Cabaliño Hop con Soledad Felloza na Biblioteca do Forum e Tardes de contos e lecturas na Biblioteca do Castrillón
• 22 de abril: Obradoiro de Stop Motion na Biblioteca Monte Alto e Obradoiro Arte nos libros con Maruja Mallo na Biblioteca Infantil e Xuvenil
• 24 de abril: Cantando coa sinfónica na Biblioteca do Forum
• 25 de abril: Lectura de El Quijote na Biblioteca Forum