Como xa adiantabamos no post da nosa última sesión desde ElClú e a Biblioteca Municipal Infantil e Xuvenil convidámosvos a toda/os a nosa próxima sesión o sábado 23 de novembro ás 11.30h, para coñecer a Francisco Castro e Fina Casalderrey, autores do último libro lido polos membros de ElClú, O neno can.

Un libro cunha cabeza, dous corazóns, catro mans, cinco relatos e un destino, teremos a ocasión de escoitarlles falar de como naceu este libro, e a oportunidade de preguntarlles todas as dúbidas, curiosidades… que nos puideron xurdir por mor da lectura destas cinco historias reais e moi duras, que non nos deixaron indiferentes.

O neno can, publicado a favor de UNICEF, foi incluído na lista de Honra de Documentación para Nenos con Dificultades Especiais do Centro IBBY, lista de libros destacados polo seu tratamento da discapacidade.

Sábado 23 de novembro as 11.30 h, esperámosvos!!

Lembrade que nas  Bibliotecas Municipais podedes levar en préstamo esta e outras obras dos autores. Comproba a súa dispoñibilidade no noso catálogo.